კოალიცია “ძლიერი საქართველოს” ერთ-ერთი ლიდერი, სალომე სამადაშვილი, “ქართული ოცნების” პოლიტსაბჭოს მიერ დღეს გავრცელებულ განცხადებას გამოეხმაურა. მისი შეფასებით, აღნიშნული გზავნილები “ივანიშვილის რუსი პატრონების" მიერაა დაწერილი:

"ეს ძალიან სამარცხვინო ოპუსი, რომელიც, რა თქმა უნდა, თბილისში არ დაწერილა და ბიძინა ივანიშვილს ამ გზავნილებს საკუთარი რუსი პატრონები და იდეოლოგები უწერენ - რეალურად, ქართველი ხალხისთვის ძალიან მნიშვნელოვან რამეს ასახავს. ეს არის ის, რომ ამ რეჟიმმა საბოლოოდ ჩაიქნია ხელი იმაზე, რომ მათ საერთაშორისო, რაიმე სახის აღიარებასა და ლეგიტიმაციას მიანიჭებენ.

ივანიშვილმა ძალიან კარგად იცის, რომ არც ტრამპის ადმინისტრაციის ფუნქციონირების დაწყების შემდეგ არაფერი შეიცვლება და რეალურად, გამკაცრდება როგორც არაღიარების რეჟიმი, ასევე მათზე ზეწოლის მექანიზმები. ეს მცდელობაა, რომ ქართველი ხალხი მორიგ ჯერზე მოატყუონ." - აცხადებს სალომე სამადაშვილი.