ქალთა ევროპის ჩემპიონატის საკვალიფიკაციო ეტაპზე, C ლიგის ბოლო, მეექვსე ტურში საქართველოს ნაკრებმა გასვლაზე ლიეტუვა 1:0 დაამარცხა.

საქართველოს ნაკრები ბევრს უტევდა, განსაკუთრებით მეორე ტაიმში, ბებიას და დანელიას დარტყმული ბურთები მეკარე შეშკუტემ მოიგერია. 86-ე წუთზე მეტოქის საჯარიმოში ბაქრაძე მცველმა იონუშაიტემ  წააქცია და ბებიამ პენალტით გოლი გაიტანა. 95-ე წუთზე მასპინძელთა თავდამსხმელი მეკარესთან პირისპირ გავიდა, მაგრამ გაბუნიამ არ გაატანინა და გავიმარჯვეთ.

საქართველოს ნაკრები სამ საუკეთესო მეორეადგილოსანს შორის მოხვდა და პლეი-ოფში ითამაშებს.