იტალიაში, ღვინის საერთაშორისო კონკურსზე Mondial des Vins Extrêmes 2023, მეღვინეობა “ბადაგონის” ღვინოები გრანდ ოქროს მედლით და სამი ოქროს მედლით დაჯილდოვდა. 

გრანდ ოქროს მედალი მოიპოვა - “ბადაგონის” ქვევრის ღვინომ “ალავერდის ტრადიცია” - 2021 მოსავალი;

ოქროს მედლები წილად ხვდათ - “ბადაგონის” ღვინოებს: 

“კახური წარჩინებული” - თეთრი მშრალი ღვინო, 2020 მოსავალი;

“მუკუზანი” - წითელი მშრალი ღვინო, 2021 მოსავალი;  

ცქრიალა ღვინო “ბადაგონი ბრუტი” - 2022 მოსავალი.

კონკურსი ორგანიზებულია CERVIM-ის (მთიანი რეგიონების მეღვინეობის კვლევითი, საგანმანათლებლო, კოორდინაციისა და შეფასების ცენტრი) მიერ.  

აღსანიშნავია, რომ ეს კონკურსი ტარდება OIV-ის (ვაზისა და ღვინის საერთაშორისო ორგანიზაცია) პატრონაჟით და ავტორიზირებულია იტალიის სოფლის მეურნეობის სამინისტროს მიერ.

CERVIM-ის მიზანია, ხელი შეუწყოს ისეთი რეგიონების ღვინოების წარმოებას, რომლებიც გამორჩეულნი არიან თავიანთი ისტორიით, ტრადიციებითა და უნიკალურობით.

ცნობისთვის, “ბადაგონის” ღვინოები არაერთი საერთაშორისო ჯილდოს მფლობელია.