საუდის არაბეთის პრინცმა, მუჰამედ ბინ სალმანმა ისრაელის მიერ ღაზაში განხორციელებული მოქმედებები დაგმო და მათ "გენოციდი" უწოდა. მუსლიმი და არაბი ლიდერების სამიტზე სიტყვით გამოსვლისას პრინცმა ასევე ლიბანსა და ირანზე ისრაელის თავდასხმები გააკრიტიკა.

ერ-რიადსა და თეირანს შორის კავშირების გაუმჯობესების ნიშნად, მუჰამედ ბინ სალმანმა გააფრთხილა ისრაელი, რომ შეწყვიტოს ირანის მიწაზე თავდასხმები. საუდის არაბეთის დე ფაქტო ლიდერს სხვა ლიდერებიც შეუერთდნენ, რომლებიც დასავლეთ სანაპიროდან და ღაზადან ისრაელის სამხედროების სრულად გაყვანას მოითხოვენ.

საუდის არაბეთის საგარეო საქმეთა მინისტრის განცხადებით, „საერთაშორისო საზოგადოების მარცხია“ ის, რომ ღაზაში ომი არ შეჩერებულა და ისრაელი ამ ტერიტორიაზე მოსახლეობის შიმშილს იწვევს.