საქართველოს ნაკრების ფეხბურთელმა გიორგი მიქაუტაძემ „ოლიმპიკ ლიონთან“ კონტრაქტი გააფორმა. ხელშეკრულება 2028 წლის ივნისამდეა და „მეცი“ 18,5 მილიონ ევროს მიიღებს – ინფორომაციას ფრანგული გამოცემა L’Équipe ავრცელებს.

„მიქაუტაძეს ორშაბათს საღამოს „მეცმა“ კლუბიდან წასვლის უფლება მისცა. ეს „ლიონის“ ხელმძღვანელებთან შეთანხმების შემდეგ მოხდა.

23 წლის ქართველმა ფორვარდმა ოთხშაბათს სამედიცინო შემოწმება გაიარა და ტრანსფერის საბოლოო დეტალების დაზუსტებას ელოდა.

ხუთშაბათს მან 4-წლიანი კონტრაქტი გააფორმა და მისი საყვარელი კლუბის მაისურით ფოტო გადაიღო, რომელიც 15 წლის ასაკში დატოვა.

კლუბი ახალწვეულს დღის ბოლომდე წარადგენს“ – წერს L’Équipe.