საქართველოს ნაკრებისა და ფრანგული „მეცის“ თავდამსხმელი გიორგი მიქაუტაძე საფრანგეთის ლიგა 2-ის მარტის თვის საუკეთესო ფეხბურთელად დასახელდა.

მიქაუტაძემ მარტში თავი 3 გატანილი გოლითა და 2 შედეგიანი გადაცემით გამოიჩინა. თვის საუკეთესო მოთამაშის ჯილდოს მისაღებად მან ნილს ნკუნკუს („სენტ-ეტიენი“) და ფრენკ მაგრის („ბასტია“) აჯობა.

გიორგი მიქაუტაძე მიმდინარე სეზონში „მეცის“ ერთ-ერთი ლიდერია და ამ გუნდის მაისურით მის ანგარიშზე 30 მატჩში გატანილი 17 გოლია, რითაც ქართველი ფორვარდი ბომბარდირთა დავას ერთპიროვნულად ლიდერობს.