პარიზის 2024 წლის ოლიმპიურ თამაშებზე დღეს რიოს ოლიმპიადის ბრინჯაოსა და ტოკიოს ოლიმპიური თამაშების ვერცხლის პრიზიორი გენო პეტრიაშვილი (+125კგ) ასპარეზობს. 

პეტრიაშვილის მეტოქე მეოთხედფინალში მეშვიდე ნომრად განთესილი პოლონელი რობერტ ბარანი იყო, რომელსაც დიდი ანგარიშით სძლია.

მანამდე ქართველმა ფალავანმა მერვედფინალურ ეტაპზე უკრაინელი ოლექსანდრ ხოციანივსკი 11:0 დაამარცხა.

ფინალის საგზურისთვის გენო პეტრიაშვილი აზერბაიჯანის სახელით მოასპარეზე გიორგი მეშვილდიშვილს დაუპირისპირდება.

პეტრიაშვილის ძირითადი კონკურენტები ირანელი ამირ ზარე და თურქი ტაჰა აკგული ერთმანეთს მეორე ნახევარფინალში შეხვდებიან.

ფინალური ბლოკი დღეს 20:15 საათიდან დაიწყება.

შეგახსენებთ, რომ საქართველოს თავისუფალი სტილით მოჭიდავეთა ნაკრებმა ოლიმპიადაზე გამოსვლა გუშინ დაიწყო, 86კგ წონით კატეგორიაში ვლადიმერ გამყრელიძე პირველივე შეხვედრაში დამარცხდა.