დიდ ბრიტანეთში მიმდინარე ფინალურ კონცერტზე ევროვიზია 2023-ის გამარჯვებული გამოვლინდა.

გამარჯვებული ქვეყანა შვედეთი გახდა – Loreen სიმღერით Tattoo. შესაბამისად, მომავალი ევროვიზიის მასპინძელიც ეს ქვეყანა იქნება.

მეორე ადგილი ფინეთმა, ხოლო მესამე ადგილი ისრაელმა დაიკავა.

ევროვიზია 2023-ის გამარჯვება შვედი მონაწილისთვის პირველი არ არის. Loreen-მა შვედეთი ევროვიზიის სიმღერის 2012 წლის კონკურსზეც წარადგინა, რომელზეც 372 ქულით გაიმარჯვა კიდეც.

2023 წლის ევროვიაზიაზე, წლევანდელი წესების მიხედვით, ნახევარფინალიდან ფინალში გადასვლას მხოლოდ მაყურებელი წყვეტდა და ჟიური არ მონაწილეობდა ხმის მიცემაში.

ფინალურ შოუზე კი ხალხთან ერთად, ხმის მიცემაში ჟიურიც მონაწილეობდა.

ევროვიზიის კონცერტების პირდაპირი ტრანსლაცია მაყურებელს საქართველოს პირველმა არხმა შესთავაზა.

ცნობისთვის, ევროვიზიის კონკურსი ასევე შვიდჯერ მოგებული აქვს ირლანდიას.