„ომის დროს მშვიდობიანი მოსახლეობა იხდის ყველაზე მაღალ ფასს. ეს იქნება ყველაზე დიდი ჰუმანიტარული კრიზისი ევროპულ კონტინენტზე. ისტორიული მნიშვნელობა ექნება უკრაინის დახმარებას. უკრაინა ითხოვს თავშესაფარს მოქალაქეებისთვის. ევროკავშირის 18 სახელმწიფო მზად არის პარტნიორს მხარში დაუდგეს სამოქალაქო დაცვის მექანიზმის თვალსაზრისით. ევროკავშირი ფინანსურად დაეხმარება იმ წევრ სახელმწიფოებს, რომლებიც უკრაინელ ლტოლვილებს მიიღებენ. ამ წუთის მონაცემებით, ველოდებით 7 მილიონამდე იძულებით გადაადგილებულ პირს უკრაინიდან. მობილიზებული გვაქვს უკვე 19 მილიონი ევრო“, - განაცხადა ლენარჩიჩმა.