ჩემი აქ ყოფნის მიზეზი პირველ რიგში არის ის, რომ საკუთარი თვალით მინდა ვნახო აქ არსებული ვითარება და გავეცნო რუსეთის ოკუპაციის შედეგებს. შეშფოთებული ვარ შექმნილი ვითარებით, - ამის შესახებ ეუთოს საპარლამენტო ასამბლეის პრეზიდენტმა, პია კაუმამ ოძისში, საოკუპაციო ხაზთან ვიზიტისას განაცხადა.

„ამავე დროს, ვაცხადებთ, რომ ეუთო სხვადასხვა კრიზისებისა და პრობლემების მშვიდობიანი გზით გადაჭრის მომხრეა და მხარს ვუჭერთ საქართველოს კრიზისის მშვიდობიანი გზით მოგვარებაში“, - განაცხადა კაუმამ.

ეუთოს საპარლამენტო ასამბლეის პრეზიდენტი, საოკუპაციო ხაზთან იმყოფებოდა და იქ არსებულ ვითარებას გაეცნო.