აშშ-ის მოქმედი ადმინისტრაციის სახელმწიფო მდივანი, ენტონი ბლინკენი ბრიუსელში მიემგზავრება. დონალდ ტრამპის გამარჯვების შემდეგ, ეს ბლინკენის პირველი ვიზიტი იქნება ევროპაში.

სახელმწიფო დეპარტამენტის ცნობით, ნატო-სა და ევროკავშირის მაღალჩინოსნებთან შეხვედრების დროს ბლინკენი განიხილავს უკრაინის მხარდაჭერას რუსეთის აგრესიის წინააღმდეგ თავდაცვაში. ბაიდენის ადმინისტრაციაში აცხადებენ, რომ ვიდრე პრეზიდენტის უფლებამოსილებას დონალდ ტრამპი გადაიბარებს,  აშშ-ის მთავრობა ეცდება, უკრაინას უკვე გათვალისწინებული დახმარება 20 იანვრამდე გადასცეს.

"ჩვენ ბევრს ვმუშაობთ, რომ უკრაინა რაც შეიძლება ძლიერ პოზიციაზე დავტოვოთ როგორც ადმინისტრაციის ვადის ამოწურვამდე დახმარების გაზრდის, ისე მსოფლიოში პარტნიორებთან კოორდინაციის კუთხით, რათა უზრუნველყოფილი იყოს მათი მზადყოფნა, ჩაერიონ ნებისმიერ სიტუაციაში", - განუცხადა Rreuters-ს ამერიკელმა მაღალჩინოსანმა ანონიმურობის პირობით.