აქცია 21 თებერვალს, 14:00 საათზე დაიწყება და მას როგორც „ნაციონალური მოძრაობის“ წევრები და მხარდამჭერები, ასევე, სამოქალაქო აქტივისტები შეუერთდებიან. 

როგორც პარტიაში აცხადებენ, ეს იქნება მორიგი მშვიდობიანი აქცია მესამე პრეზიდენტის მხარდასაჭერად.

ცნობისთვის, თბილისის საქალაქო სასამართლოში 7 ნოემბრის საქმეზე ხვალ მიხეილ სააკაშვილის მორიგი პროცესი გაიმართება. 

ადვოკატების თქმით, მიხეილ სააკაშვილს სხდომაზე დასწრება სურს, თუმცა ეს მის ჯანმრთელობაზე იქნება დამოკიდებული.