ეგვიპტეში, ეკლესიაში გაჩენილ ხანძარს 41 ადამიანი ემსხვერპლა

14/08/2022

16:18

მსოფლიო

A-

ეგვიპტეში, კაიროს მახლობლად, ქალაქ გიზას ეკლესიაში გაჩენილი ხანძრის შედეგად 41 ადამიანი დაიღუპა, 55 კი დაშავდა, - ამის შესახებ ინფორმაციას „ალ-ჯაზირა“ ეგვიპტის ჯანდაცვის სამინისტროზე დაყრდნობით ავრცელებს.

მედიის ცნობით, დაღუპულთა უმრავლესობა ბავშვია, დაშავებულები კი სასწრაფო დახმარების მანქანებით, ახლომდებარე საავადმყოფოებში გადაიყვანეს.

ამავე ცნობით, ეკლესიაში 5 000-მდე ადამიანი იყო.

ცეცხლი ელექტრო სადენებს გაუჩნდა. მის ჩასაქრობად შემთხვევის ადგილზე 15 სახანძრო მანქანა იყო მობილიზებული. ხანძარმა ეკლესიის შესასვლელი გადაკეტა, რამაც ჭყლეტა გამოიწვია.

არსებული ინფორმაციით, ხანძარი ამ დროისთვის ლიკვიდირებულია.

344