დიდთოვლობის გამო, სტამბულის აეროპორტი დაიხურა

25/01/2022

17:50

მსოფლიო

A-

სტამბულის აეროპორტი, სადაც, დიდთოვლობის გამო, ერთ-ერთი სატვირთო ტერმინალის სახურავი ჩაინგრა, დროებით დაიხურა. ნგრევას მსხვერპლი ან ვინმეს დაშავება არ მოჰყოლია, - ამის შესახებ Al Jazeera წერს.

„ფრენების უსაფრთხოების მიზნით, არახელსაყრელი პირობების გამო, სტამბულის აეროპორტში ყველა ფრენა დროებით შეჩერებულია“, - აღნიშნულია აეროპორტის განცხადებაში.

რამდენიმე წუთის წინ, აეროპორტის Twitter-ის გვერდზე ახალი განცხადება გამოქვეყნდა, რომელშიც წერია, რომ თოვლის საფარმა 41 სანტიმეტრს მიაღწია. ასაფრენ ზოლს 500-მდე ადამიანი და 180 მანქანა ასუფთავებს. სამუშაოს დასრულების შემდეგ, ფრენები სრულად განახლდება.

სტამბულის აეროპორტი ყოველწლიურად 30 მილიონზე მეტ მგზავრს ემსახურება.

444