დღეს ევროვიზია 2023-ის ფინალი გაიმართება.

ფინალურ კონკურსზე 26 ქვეყანა იმღერებს. აქედან პირველი ათი ქვეყანა – პირველი ნახევარფინალიდან, მეორე ათი ქვეყანა კი - მეორე ნახევარფინალიდან გაირკვა. 

წლევანდელი წესების მიხედვით, ნახევარფინალიდან ფინალში გადასვლას მხოლოდ მაყურებელი წყვეტდა და ჟიური ხმის მიცემაში არ მონაწილეობდა.

კონკურსის წესის მიხედვით, დიდი ხუთეულის ქვეყნები - დიდი ბრიტანეთი, ესპანეთი, იტალია, გერმანია, საფრანგეთი და უკრაინა პირდაპირ გადადიან ფინალში.

ევროვიზია 2023-ის ფინალის ტრანსლაციას საქართველოს პირველი არხი შემოგთავაზებთ.

ცნობისთვის, საქართველოს წამომადგენელი ირუ მეორე ნახევარფინალის მონაწილე იყო, თუმცა ფინალში გადასვლა ვერ შეძლო.

ამ დრომდე უცნობია, მიმართავს თუ არა ფინალურ კონცერტს ვიდეომიმართვით, უკრაინის პრეზიდენტი ვოლოდიმირ ზელენსკი. აღსანიშნავია, რომ წლევანდელი კონკურსი უკრაინაში უნდა გამართულიყო, თუმცა მიმდინარე საომარი მოქმედებების გამო, კონკურსს ინგლისი მასპინძლობს.