“დინამო თბილისი" გიორგი მამარდაშვილის “ლივერპულში” ტრანსფერით 3.5 მილიონ ევროს მიიღებს.

Geo team-ის ცნობით, “ვალენსიამ” 2021 წელს ქართველი მეკარე “დინამო თბილისისგან” 800,000 ევროდ იყიდა და შემდეგი ტრანსფერის 10% ყოფილ გუნდს დაუტოვა.

“ლივერპული” “ვალენსიას” 35 მილიონ ევროს გადაუხდის და ესპანელები 3.5 მილიონ ევროს “დინამო თბილისს” ჩაურიცხავენ.

როგორც ცნობილია, გიორგი მამარდაშვილი უახლოეს საათებში ოფიციალურად გახდება „ლივერპულის“ ფეხბურთელი – ქართველმა მეკარემ ინგლისურ გრანდში დღეს სამედიცინო შემოწმება გაიარა, რომლის შესახებაც ინფორმაცია და ფოტოები ესპანურ მედიაში გავრცელდა.

მამარდაშვილი სამედიცინო შემოწმებაზე თავის მენეჯერთან, ლევან სეთურიძესთან და „ლივერპულის“ წარმომადგენელებთან ერთად იმყოფებოდა.