გო­რის მუ­ნი­ცი­პა­ლი­ტეტ­ში მომ­ხდარ უბე­დურ შემ­თხვე­ვას 46 წლის მა­მა­კა­ცი ემსხვერ­პლა. 

ტრაგიკული შემთხვევა “სფეისნიუსს” ახალუბნის ადმინისტრაციული ერთეულის მერიის წარმომადგენელმა, ტარიელ ვათაშვილმა დაუდასტურა. მისი ინფორმაციით, შემთხვევა რამდენიმე დღის წინ მოხდა. გარდაცვლილია 46 წლის გოგა კასრაძე.

“გოგა კასრაძე საკუთარ მიწის ნაკვეთს ე.წ. ხელის ტრაქტორით ამუშავებდა, რა დროსაც ტრაქტორის სახნავმა მექანიზმმა ჩაითრია. ოჯახის წევრებმა კასრაძე გარდაცვლილი იპოვეს. მისი ცხედარი სასტიკად დასახიჩრებული იყო. მას დარჩა მეუღლე და 2 შვილი”, აცხადებს “სფეისნიუსთან” ვათაშვილი.

კასრაძე ცხინვალის რეგიონიდან დევნილი იყო და ამჟამად, სოფელ ახრისში მეუღლესთან და ორ შვილთან ერთად ცხოვრობდა, სადაც ეს ტრაგედია მოხდა.