საპროტესტო მსვლელობა თბილისში - მსვლელობის დროს აქციის მონაწილეები მანქანებს გადაადგილების საშუალებას არ აძლევდნენ, რა დროსაც რამდენჯერმე დაიძაბა ვითარება. აქციის მონაწილეები მძღოლებს სიტყვიერ შეურაცხყოფას აყენებდნენ.

დემონსტრანტები თავდაპირველად თსუ-სთან შეიკრიბნენ, მოგვიანებით ილიაუნთან გადაინაცვლეს, შემდეგ კი კვლავ თბილისის სახელმწიფო უნივერსიტეტთან დაბრუნდნენ, სადაც ამ დრომდე რჩებიან.

 უნივერსიტეტთან დაძაბული ვითარება იყო, ჯგუფ "დაიტოვეს" მიერ ორგანიზებული აქციის მონაწილეები, შენობაში შესვლას ითხოვდნენ, რის საშუალებასაც მათ სამართალდამცველები არ აძლევდნენ. 

ამ დროისთვის სტუდენტები მეორე კორპუსთან რჩებიან. ჭავჭავაძეზე კი საავტომობილო მოძრაობა აღდგენილია.