„ერთ-ერთ მანქანას, რომელსაც მშვიდობიანი მოქალაქეები გადაჰყავდა, ხელნაკეთი ასაფეთქებელი მოწყობილობა მოხვდა. დაღუპულთა რაოდენობა ჯერჯერობით 35-ს აღწევს, დაშავებულია 37 მშვიდობიანი მოქალაქე. გარდაცვლილები, ძირითადად, ვაჭრები არიან, რომლებიც ოუაგადუგუში საქონლის შეძენას აპირებდნენ და, სტუდენტები, რომლებიც დედაქალაქში მომდევნო სასწავლო წლისთვის ბრუნდებოდნენ“, - ნათქვამია რეგიონის გუბერნატორის განცხადებაში. 
აფეთქება რეგიონის მთავარ ქალაქებში, დორისა და ჯიბოსკენ მიმავალ გზებზე თავდასხმების სერიას მოჰყვა. ბოლო 10 წლის განმავლობაში უსაფრთხოების მხრივ შექმნილი კრიზისის ფონზე, ბურკინა-ფასოში ეს ცენტრალური სამსაზღვრო ზონაა, სადაც ალ-ქაიდასთან და ისლამურ სახელმწიფოსთან (ISIS) დაკავშირებული ჯგუფების მხრიდან მზარდი თავდასხმები ფიქსირდება.