ოკუპირებული აფხაზეთის დეფაქტო პრეზიდენტის  „ბრძანებულებით“, ვალტერ ბუთბა ე.წ. შინაგან საქმეთა მინისტრის პოსტიდან გათავისუფლდა. დოკუმენტი ე.წ. სახელმწიფოს მეთაურის ოფიციალურ ვებგვერდზე გამოქვეყნდა.

„გათავისუფლდეს მილიციის გენერალ-მაიორი ვალტერ ბუთბა აფხაზეთის რესპუბლიკის შინაგან საქმეთა მინისტრის პოსტიდან“ - ნათქვამია „განკარგულებაში“.

„შინაგან საქმეთა მინისტრად“ დაინიშნა რობერტ კიუტი, რომელიც გაათავისუფლეს „სახელმწიფო უსაფრთხოების სამსახურის“ უფროსის თანამდებობიდან. „პრეზიდენტის“ ბრძანებულებით, მას მიენიჭა მილიციის გენერალ-მაიორის სპეციალური წოდება.

„სახელმწიფო უსაფრთხოების სამსახურის“ თავმჯდომარის მოვალეობის შემსრულებლად ამავე დეფაქტო უწყების უფროსის პირველი მოადგილე თემურ აჰიბა დაინიშნა.