ოკუპირებული აფხაზეთის დეფაქტო პარლამენტი ბიჭვინთის  სახელმწიფო აგარაკის რუსეთისთვის გადაცემის შესახებ შეთანხმების რატიფიცირების საკითხს 27 დეკემბერს განიხილავს. მანამდე იგეგმებოდა, რომ შეხვედრა 28 დეკემბერს გამართულიყო.

საინიციატივო ჯგუფმა „გარაჰ პიცუნდა“ („ჩვენი პიცუნდა“) უკვე მოითხოვა „პარლამენტის“ შენობასთან აქცია: „გადავარჩინოთ ბიჭვინთა! სხვა შანსი არ იქნება!“

აქციას, სავარაუდოდ, ოპოზიციური ძალებიც გამართავენ.

შეგახსენებთ, რომ რუსეთ-აფხაზურ შეთანხმებაში შეცდომები დაშვებული იყო სახელმწიფო აგარაკისა და მიმდებარე წყლის ტერიტორიის კოორდინატებში. დეპუტატებთან შეხვედრაზე აფხაზეთის ლიდერმა ასლან ბჟანიამ განაცხადა, რომ რუსულმა მხარემ შეცვალა კოორდინატები და გაგზავნა ახალი დოკუმენტი.