ბაქო-თბილისი-ანკარას მარშრუტზე, შესაძლოა, ჩქაროსნული სამგზავრო მატარებელი ამოქმედდეს. ამის შესახებ სააგენტო APA-Economics-თან ინტერვიუში „აზერბაიჯანის რკინიგზის“ მგზავრთა გადაყვანის დეპარტამენტის აღმასრულებელმა ხელმძღვანელმა აზერ ფარაჯოვმა განაცხადა.

მისი თქმით, მატარებელი, შეიძლება, შედგებოდეს Stadler Rail Group-ის მიერ წარმოებული სამგზავრო საძილე ვაგონებისგან.

სახმელეთო სახელმწიფოთაშორისი საზღვრების გახსნისას ჩვენი პოსტპანდემიური ღონისძიებების პაკეტის ფარგლებში, შესაძლებელია, ამოქმედდეს ჩქაროსნული სამგზავრო მატარებელი ბაქო-თბილისი-ანკარა მარშრუტზე, რომელიც შედგება Stadler Rail Group-ის მიერ წარმოებული სამგზავრო საძილე ვაგონებისგან - განაცხადა აზერ ფარაჯოვმა.