2023 წლის ივლისის მდგომარეობით, კომერციული ბანკების აქტივების მდგომარეობის შესახებ ინფორმაციას, საქართველოს ეროვნული ბანკი, IFRS სტანდარტის შესაბამისად მომზადებულ მონაცემებზე დაყრდნობით ავრცელებს, რომლის თანახმადაც, 2023-ის 7 თვის წმინდა მოგება 1.6 მილიარდი ლარია.

2023 წლის ივლისის ბოლო მდგომარეობით, საქართველოს საბანკო სექტორი 15 კომერციული ბანკითაა წარმოდგენილი. მათ შორის 13 საწესდებო კაპიტალში უცხოური კაპიტალის მონაწილეობით.

2023 წლის ივლისის ბოლოს საქართველოს კომერციული ბანკების მთლიანი აქტივები 71.3 მლრდ ლარს შეადგენს.

საბანკო სექტორის კაპიტალი 11.4 მლრდ ლარია, რაც კომერციული ბანკების მთლიანი აქტივების 16.0 პროცენტია.

წინამდებარე სტატისტიკური ინფორმაცია საქართველოს ეროვნული ბანკის ვებგვერდზე, სტატისტიკის რუბრიკაში შეგიძლიათ იხილოთ.