კომპანია “ბადაგონის” ღვინოებმა მსოფლიოში ერთ-ერთ ყველაზე პრესტიჟულ ღვინის საერთაშორისო კონკურსზე Mundus Vini, რომელიც გერმანიაში ჩატარდა, მორიგი ოქროს მედლები მოიპოვა. 

ოქროს მედლების მფლობელი ღვინოებია: 

• საფერავი რეზერვი
• საფერავი ქვევრი
• ალავერდის ტრადიცია, წითელი მშრალი
• კახური წარჩინებული, წითელი მშრალი

Mundus Vini ერთ-ერთი უმსხვილესი და ყველაზე მნიშვნელოვანი ღვინის საერთაშორისო კონკურსია, რომელიც გამომცემლობა Meininger-ის მიერ დაარსდა და გერმანიაში უკვე 20 წელზე მეტია, წელიწადში ორჯერ ტარდება. 

Mundus Vini-ის საზაფხულო კონკურსზე წელს, წარმოდგენილი იყო 4000-ზე მეტი ღვინო 46 ღვინის მწარმოებელი ქვეყნიდან. 

ღვინოები მსოფლიოს სხვადასხვა ქვეყნიდან მოწვეულმა 120-ზე მეტმა დამოუკიდებელმა ექსპერტმა შეაფასა.