ევროპული ტურნედან ტრიუმფით დაბრუნებული ქართული ნაციონალური ბალეტი „სუხიშვილები“, როგორც ცნობილია,  26 და 27 დეკემბერს საახალწლო კონცერტებს თბილისის საკონცერტო დარბაზში გამართავს.

ანსამბლის რეპერტუარის წარმოდგენილი იქნება ყველასათვის საყვარელი ცეკვები როგორც ძველი, ისე ახალი პროგრამიდან.

დღეს, ანსამბლის სოციალურ ქსელში ახალი ანონსი ფოტოებთან ერთად გამოჩნდა, სადაც ვკითხულობთ:

"Baby Boom სუხიშვილებში! - დეკრეტიდან გამოსული სოლისტთა ჯგუფი 26 დეკემბრიდან შემოგვიერთდება თბილისის დიდ საკონცერტო დარბაზში".

ფოტოებზე ანსამბლის ის მონაწილეები არიან, რომლებიც დეკრეტის შემდეგ ანსამბლს შეუერთდებიან.

დეკრეტიდან დაბრუნებულ მოცეკვავეებთან ერთად კი ამავე ფოტოებში მათი ჩვილებიც იწონებენ თავს.