"ახალი პეტრიაშვილი გზაშია" - წერს  ჭიდაობის მსოფლიო ფედერაცია მას შემდეგ, რაც ოლიმპიური ჩემპიონის გენო პეტრიაშვილის ძმამ, კონსტანტინე პეტრიაშვილმა 17-წლამდელთა მსოფლიო ჩემპიონატში გაიმარჯვა.

უმცროსმა პეტრიაშვილმა, უფროსი ძმის მსგავსი გამორჩეული ჭიდაობა აჩვენა, რათა 92 კგ წონით კატეგორიაში გაემარჯვა და მსოფლიო ჩემპიონის პირველ ტიტულს დაეუფლა.

წინა წელს, 80 კგ წონით კატეგორიაში ასპარეზობა ბრინჯაოს მედლით დაასრულა, წელს კი 92 კგ წონით კატეგორიაში გადავიდა. მან ივლისში, სერბეთში 17- წლამდელთა ევროპის ჩემპიონატი მოიგო. ახლა კი, როგორც კონტინენტთაშორისი, ასევე მსოფლიო ტიტულიც აქვს.

მომავალ კვირას, პეტრიაშვილი ესპანეთის ქალაქ პონტევედრაში 20-წლამდელთა მსოფლიო ჩემპიონატზე იასპარეზებს.