წალენჯიხაში, სოფელ საჩინოში ავტოავარიას არასრულწლოვანი ემსხვერპლა.

არსებული ინფორმაციით, მსუბუქი ავტომობილი 9 წლის ბავშვს დაეჯახა, რომელიც ადგილზე დაიღუპა.

როგორც რადიო “სივრცისთვის” გახდა ცნობილი, მოზარდს მანქანა იმ დროს დაეჯახა, როცა ის ქუჩის გადაკვეთას ცდილობდა. ადგილზე მისულ სასწრაფო დახმარების ბრიგადას მოზარდი გარდაცვლილი დახვდა.

ადგილობრივის ინფორმაციით, ავტომანქანის მძღოლმა თვითმკვლელობის მიზნით სხეულზე დაზიანებები მიიყენა. მისი მდგომარეობა მძიმეა.

გარდაცვლილი არასრულწლოვნის ცხედარი პროზექტურაშია გადასვენებული.

ადგილზე საგამოძიებო მოქმედებები მიმდინარეობს.