ქობულეთში, სოფელ ხუცუბანში ავტოსაგზაო შემთხვევა მოხდა.

არსებული ინფორმაციით, ავარის შედეგად 1 ადამიანი დაიღუპა და 2 დაშავდა. გავრცელებული ცნობით, ავარიას ორსული ქალი ემსხვერპლა.

მომხდარის შესახებ სხვა დეტალები უცნობია.

შემთხვევის ადგილზე სამართალდამცველები იმყოფებოდნენ.

მომხდარზე გამოძიება სსკ-ის 276-ე მუხლის მე-6 ნაწილით არის დაწყებული, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.