ოკუპირებული აფხაზეთის დეფაქტო პრეზიდენტი ასლან ბჟანია სამუშაო „ვიზიტით“ მოსკოვში გაემგზავრა. „ვიზიტის“ ფარგლებში აფხაზეთის დეფაქტო ლიდერი არაერთ შეხვედრას გამართავს რუსეთის ფედერაციის სამთავრობო სტრუქტურების წარმომადგენლებთან, განაცხადეს მის პრესსამსახურში.

როგორც უკვე გავრცელდა ინფორმაცია, ბჟანია მოსკოვში „საწვავის საკითხის“ განხილვას გეგმავს.

16 დეკემბერს რუსეთის მთავრობამ მიიღო დადგენილება, რომლის მიხედვითაც, „როსნეფტს“ აქვს ექსკლუზიური უფლება რუსეთიდან ოკუპირებულ აფხაზეთში ნავთობპროდუქტების ექსპორტზე. ამასთან დაკავშირებით სოხუმში ბაზრის მონოპოლიზაციის წინააღმდეგ აქციაც გაიმართა.