ოკუპირებული აფხაზეთის ე.წ. პრეზიდენტი ასლან ბჟანია „სამუშაო ვიზიტით“ მოსკოვში იმყოფება. ამის შესახებ აფხაზეთის ლიდერის პრესსამსახური იტყობინება.

„ვიზიტის ფარგლებში, შეხვედრები იმართება სხვადასხვა სამთავრობო უწყებებში“, - ნათქვამია განცხადებაში.

ბჟანიას მოგზაურობაში აფხაზეთის სახელმწიფო უსაფრთხოების სამსახურის თავმჯდომარე თემურ აჰიბა ახლავს.

მანამდე ბჟანიამ შეხვედრები მოსკოვში ნოემბრის დასაწყისში გამართა.

მანამდე გავრცელებული ინფორმაციით, ახალი ათონის მაცხოვრებთა ჯგუფი სამშაბათს საღამოს სახელმწიფო აგარაკის "ახალი ათონის" ტერიტორიაზე კერძო ინვესტორზე ქონების მიყიდვის წინააღმდეგ გასაპროტესტებლად შეიჭრა.

ოკუპირებული აფხაზეთის ე.წ. პრეზიდენტის ადმინისტრაციის სახელმწიფო აგარაკის დეპარტამენტის უფროსი ბესლან კვიცინია ქონების შესაძლო გაყიდვის შესახებ ინფორმაციას უარყოფს.