აშშ-ის ოფიციალური პირები მიიჩნევენ, რომ ისრაელმა შეამცირა იმ სამიზნეების დიაპაზონი, რომელზეც ირანის მასიური სარაკეტო თავდასხმის საპასუხოდ საჰაერო იერიშს აპირებდა. ამის შესახებ მათ NBC News-ს კონფიდენციალურად განუცხადეს. 

აშშ-ის შეფასებით, ისრაელი გეგმავს თავდასხმას ენერგეტიკულ და სამხედრო ინფრასტრუქტურაზე. ისრაელმა სავარაუდოდ, გამორიცხა თავდასხმები ბირთვულ ობიექტებზე და ირანის ოფიციალური პირების ლიკვიდირება. 

NBC News-ის წყაროები ამბობენ, რომ ისრაელის საპასუხო დარტყმის დრო გაურკვეველია, ისევე როგორც ამ პასუხის საბოლოო ფორმა, მაგრამ ისრაელის სამხედროები მზად არიან იმოქმედონ ნებისმიერ დროს, როგორც კი ბრძანებას მიიღებენ. 

1-ელ ოქტომბერს ირანმა ისრაელის წინააღმდეგ 180 ბალისტიკური რაკეტა გაუშვა.