მსოფლიოს ჩემპიონატის მეოთხედფინალში არგენტინამ ნიდერლანდები პენალტების სერიაში დაამარცხა.

ძირითადი დრო ანგარიშით 2:2 დასრულდა და პენალტების სერიით არგენტინამ ნახევარფინალში თამაშის უფლება მოიპოვა.

არგენტინა ნახევარფინალში ხორვატიას შეხვდება, რომელმაც ასევე პენალტების სერიით ბრაზილია დაამარცხა.

შესაბამისად, მუნდიალზე პირველი ნახევარფინალური წყვილი უკვე გაირკვა, ეს არის არგენტინა - ხორვატია. 

რაც შეეხება არგენტინა-ნიდერლანდების მატჩს, რამდენიმე მნიშვნელოვანი სტატისტიკა: 

- მესიმ მსოფლიოს ჩემპიონატებზე მეათე გოლი გაიტანა და ამ მაჩვენებლით არგენტინის ნაკრებში ბატისტუტას დაეწია - მან მუნდიალებზე მეშვიდე საგოლე გადაცემა გააკეთა.

- არგენტინამ მუნდიალებზე ყველაზე მეტი გამარჯვება მოიპოვა თერთმეტმეტრიანების სერიაში - ექვსიდან ხუთი.

- ნიდერლანდებმა კარში ორჯერ დაარტყეს და ორივე გაიტანეს.

- რაც ვან გაალი დაბრუნდა, ნიდერლანდებმა პირველად წააგო - აქამდე 14 მატჩი მოიგეს და 5 ფრედ დაასრულეს.

- მსაჯმა ლაოსმა ფეხბურთელებს 15 ყვითელი ბარათი უჩვენა, რაც ტურნირის რეკორდია.