რუსეთ-უკრაინის ომზე საუბრისას მან აღნიშნა, რომ ისევე როგორც უკრაინა, საქართველო რუსულ ოკუპაციას არასოდეს უნდა შეეგუოს.

„ჩემი პრინციპული პოზიცია ასეთია – არ უნდა დავეთანხმოთ არაფერს, რასაც პრეზიდენტი ზელენსკი არ დაეთანხმებოდა. აქ საქმე ის არაა, რა უნდა ან რა აძლევს ხელს დასავლეთს უკრაინისთვის – მთავარი ისაა, რა უნდა უკრაინას და მის პრეზიდენტს საკუთარი ხალხისთვის. ვფიქრობ, მან უნდა მოითხოვოს ტერიტორიების დაბრუნება, უკლებლივ ყველასი, და ჩვენ არ უნდა ვეცადოთ, მას ვუბიძგოთ, რომ რამე ნაკლებს დათანხმდეს. ისევე, როგორც არასდროს უნდა დავთმოთ აფხაზეთი ან სამხრეთი ოსეთი. ესენი ქართული მიწებია, ისევე როგორც დონბასი და ყირიმია უკრაინული მიწები. რუსულ ოკუპაციას არასდროს უნდა დავყაბულდეთ”, – განაცხადა ბრიდლავმა.