„ჯერ პოზიცია ჩვენების მიცემასთან დაკავშირებით არ გვაქვს, რადგან მიმდინარეობს ბრალდების მხარის მტკიცებულებების გამოკვლევა. ჩემი დაცვის ქვეშ მყოფი პირი, პირველი შეხვედრიდან დღემდე საქმის ფაქტობრივ გარემოებებზე არ საუბრობს. არ ვიდავებთ იმ კონკრეტულ მტკიცებულებებზე, რომელიც ვცანით უდაოდ“ - განაცხადა ონისე მარგიანმა „მთავარი არხის“ ეთერში

ორივე ბრალდებული, აკო ჭელიძე და გიორგი კავილაძე, ამ დრომდე დუმილის უფლებით სარგებლობენ.

შეგახსენებთ, რომ 15 სექტემბერს პლატფორმა „ფიდსის“ დამფუძნებელი, 22 წლის ნიკა კვარაცხელია ვერაზე ჩაცხრილეს. მიყენებული ჭრილობების შედეგად, ახალგაზრდა 16 სექტემბერს, გამთენიისას კლინიკაში გარდაიცვალა.