ანრი მექვაბიშვილი სექტემბრის სანაკრებო მატჩებს გამოტოვებს, ამის შესახებ ინფორმაციას Geo team-ი ავრცელებს. რუმინეთის ჩემპიონატის ბოლო ტურში ქართველმა ნახევარმცველმა მუხლის მძიმე დაზიანება მიიღო.

Geo Team-ის ცნობითვე, ფეხბურთელმა MRI გადაიღო და ჯვარედინი იოგების გაწყვეტას გადაურჩა, თუმცა 1.5 თვით დასვენება მოუწევს.

სავარაუდოდ, ფეხბურთელი გამოტოვებს ოქტომბრის სანაკრებო შეხვედრებსაც, თუმცა ყველაფერი აღდგენითი პროცესის სისწრაფეზეა დამოკიდებული.

როგორც ცნობილია, 7 სექტემბერს საქართველოს საფეხბურთო ნაკრები თბილისში ჩეხეთის ეროვნულ ნაკრებს დაუპირისპირდება. მატჩი მიხეილ მესხის სახელობის სტადიონზე გაიმართება.