Anonymous-მა ჩეჩნეთის მთავრობის საიტი დაჰაკა

27/02/2022

09:02

ომი უკრაინაში

A-

ჰაკერულმა ჯგუფმა, რომელიც „Anonymous“-ის სახელითაა ცნობილი, ჩეჩნეთის რესპუბლიკის მთავრობის ვებ-გვერდზე კიბერ-თავდასხმა განახორციელა.

შედეგად, მომხმარებლისთვის საიტზე წვდომა შეუძლებელია.

„Anonymous“ უკრაინაში ომის დაწყების შემდეგ, რუსეთის ხელისუფლებისა და პროპაგანდის არხებს უტევს. შეტევა უკვე მიიტანეს კრემლის, რუსეთის საგარეო საქმეთა, თავდაცვისა და სხვა უწყებების ვებ-გვერდებზე. ასევე, პროპაგანდისტული არხის, RT-ის ვებ-გვერდზეც.

ჩეჩნეთის ლიდერმა, რამზან კადიროვმა მებრძოლები, რომლებიც „კადიროველების“ სახელით არიან ცნობილი, უკრაინაში საბრძოლველად გააგზავნა.

360