ოკუპირებული აფხაზეთის ე.წ. პრემიერ-მინისტრი ალექსანდრე ანქვაბი აფხაზეთის მართლმადიდებელი ეკლესიის სასულიერო პირებს - მღვდელმსახურებს ბესარიონს, დოლმატს, ნიკიტასა და აბატ იგნაციუსს შეხვდა. ამის შესახებ Apsnypress იუწყება.

შეხვედრაზე, რომელსაც ასევე ესწრებოდნენ ისტორიული და კულტურული მემკვიდრეობის დაცვის „სახელმწიფო დეპარტამენტის“ უფროსი ჰარი სანგულია და სამშენებლო ორგანიზაციის ხელმძღვანელი რუსტამ ცვეიბა, ბედიის მართლმადიდებლური ეკლესიის სარემონტო-აღდგენითი სამუშაოების საკითხები განიხილეს.

ისტორიულ-კულტურული მემკვიდრეობის დაცვის დეპარტამენტის ხელმძღვანელის თქმით, რუსმა სპეციალისტებმა გამოთქვეს აზრი „ტაძრის სახურავის სივრცითი დატვირთვის სტრუქტურის შეცვლის აფხაზური მხარის მიერ შემოთავაზებულ ვარიანტებთან დაკავშირებით“. ახალი ტექნოლოგიურად რთული, დიდი ქვის გუმბათის მშენებლობამ, ყველაზე საკულტო ობიექტის ამჟამინდელი მდგომარეობის გათვალისწინებით, შეიძლება გამოიწვიოს მისთვის უარყოფითი შედეგები - ნათქვამია მოხსენებაში.

შეხვედრაზე ანქვაბმა მიიწვია სამღვდელოების წარმომადგენლები, ეპოვათ კონსენსუსი მემკვიდრეობის დაცვის უფლებამოსილ ორგანოსთან და მშენებლებთან შეთანხმებული გადაწყვეტის შესამუშავებლად. როგორც კი ეს გამოსავალი მოიძებნება, მთავრობა ამას საფუძვლად აიღებს, დასძინა აფხაზეთის ე.წ. პრემიერმა