ეკატერინე გორგოძემ პოლონეთში ვროცლავის ღია პირველობა მოიგო წყვილთა თანრიგში, რომელიც ITF-ის 40-ათასიანი ტურნირია. 

ქართველი ჩოგბურთელი სლოვენიელ დალილა იაკუპოვიჩთან ერთად მე-2 ნომრად იყო განთესილი.

ფინალში ქართულ-სლოვენიური დუეტი, მასპინძლებს (დარია კუჩერი, ვერონიკა ევალდი) დაუპირისპირდა და 6:4, 4:6, 10:7 მოუგო.

31 წლის გორგოძემ ITF-ის ეგიდით 51-ე (!) ტიტული მოიგო, აქედან 33-ე წყვილთა თანრიგში. 

სულ კი მის ანგარიშზე 57 ტიტულია (2 WTA-ს ეგიდით, 4 WTA-ს ჩელენჯერზე. წლეულს ეს მე-5 ტიტულია (მე-4 წყვილებში).