სავალუტო ფონდის პროგნოზი მეტყველებს, რომ 2024-2028 წლებში საქართველო ეკონომიკური ზრდით იქნება ლიდერი კანდიდატ ქვეყნებში და ზოგადად ევროპაში, - ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებთან განაცხადა.

„ეს პერსპექტივაში გვაჩვენებს, რომ ჩვენ გვექნება ყველაზე სწრაფი ეკონომიკური ზრდა ყველა სხვა კანდიდატ ქვეყანასთან შედარებით და მათ შორის, ევროკავშირის ქვეყნებთან შედარებით. ამ ეკონომიკური ზრდის მთავარი განმაპირობებელია ის მშვიდობიანი გარემო, რომელიც უზრუნველყო საქართველოს ხელისუფლებამ“, - აღნიშნა პაპუაშვილმა.