დრამატურგიის ფესტივალის კონკრეტულ მიზნებსა და ამოცანებზე  მისი დამფუძლებელი და დირექტორი მაგდა კოტრიკაძე საუბრობს:

“ყოველ წელს ვთარგმნით ერთი უცხოელი ავტორის რამდენიმე პიესას, რომელთაგან ერთი პიესა მაინც იდგმება ჩვენი პარტნიორი თეატრის მიერ. ერთი თარგმნილი პიესის თეატრალურ წაკითხვას ვატარებთ... და ასევე, ყოვე წელს გვაქვს თეორიული კომპონენტი ავტორის შემოქმედების შესახებ და ერთ-ერთი საკითხის შესახებ, რომელიც სათეატრო ხელოვნებას ეხება. ყოველივე ეს ემსახურება შემდეგ ოთხს მიზანს: ქართულ ენაზე დრამატურგიული ლიტერატურის გამდიდრება ახალი თარგმანებით; ქართული თეატრის რეპერტუარის გამდიდრება ახალი სპექტაკლებით; ახალი სახელებისა და ავტორების გაცნობა ქართული აუდიტორიისთვის; ახალი ტექსტების ათვისება; გარკვეული თეორიული დისკურსის განვითარება მნიშვნელოვან შემოქმედებით საკითხებზე; ურთიერთობის კულტურის ამაღლება შემოქმედების სხვადასხვა რგოლს - მთარგმნელი, დრამატურგი, რეჟისორი, მსახიობი, რედაქტორი, ლექტორი და რაც მთავარია ჩვენი ერთგული მაყურებელი.”

შარშანაც ჩატარდა ფესტივალი, თუმცა სხვა ავტორი იყო ნათარგმნი როგორც ვიცით. გაგვიზიარეთ ინფორმაცია პირველი წლის შედეგების შესახებ

შარშან, ჩვენ ვთარგმნეთ ფრანგი დრამატურგის ბერნარ-მარი კოლტესის ხუთი პიესა, რომელთაგან ერთს დადგამს სამეფო უბნის თეატრის 2022 წლის შემოდგომაზე. გვქონდა პიესის თეატრალური წაკითხვა „ბამბის ველების სიმარტოვეში“. ასევე, შედგა მოხსენებები ავტორის შემოქმედებასა და სათეატრო ტექსტის თარგმანის სპეციფიკაზე. 2022 წლის ავტორი კი იასმინა რეზაა! ის დაიბადა პარიზში, 1959 წელს და დღემდე ეწევა დრამატურგიულ-სამწერლო საქმიანობას. მას აქვს შექმნილი რვა ცნობილი პიესა, ათამდე რომანი, რამდენიმე კინოსცენარი და თავადაც უთამაშია რამდენიმე სპექტაკლში.ვიასმინა რეზა საინტერესო დრამატურგია თემის, სიუჟეტის განვითარებისა და ოსტატობის კუთხით. მისი პიესები - „არტი“ და „ხოცვა-ჟლეტის ღმერთი“ მსოფლიოში ცნობილია. დიდი მაესტროს, ბატონი თემურ ჩხეიძის სპექტაკლი „არტ-ხელოვნება“ სწორედ რეზას პიესას ეფუძნება, რომელიც ოცზე წელზე მეტია დიდი პოპულარობით სარგებლობს.

რა განასხვავებს დრამატურგიის ფესტივალის პიესებს უკვე არსებული პიესებისგან?

დღემდე, საქართველოში რეზას პიესებიდან სულ რამდენიმე დადგმულა, მაგრამ ყველა მათგანი ადაპტირებული ვერსია იყო.პირველი ორიგინალი ტექსტი დაიდგმება თეატრ „ჰარაკიში“, პრემიერა შედგება 2022 წლის 17-18 ივნისს. ასევე, ჩვენი პარტნიორი ზესტაფონის სახელმწიფო დრამატული თეატრი განახორციელებს ჩვენ მიერ თარგმნილი პიესის - „საუბრები დამარხვის შემდეგ“ დადგმას. მადლობას ვუხდით ზესტაფონის სახელმწიფო დრამატულ თეატრს და მის რეჟისორს - ვატო ჯუღელს მხარდაჭერისთვის! რა თქმა უნდა ჰარაკს და კულტურის სამინისტროს რომელთა გარეშეც ეს ფესტივალი უბრალოდ ვერ განხორცილედებოდა.

კონკრეტულად რომელი პიესები ითარგმნა 2022 წლის ფესტივალის ფარგლებში?

წლევანდელი ფესტივალის ფარგლებში ითარგმნა იასმინა რეზას სამი პიესა- „არტი“, „ცხოვრების სამი სახე“ და „საუბრები დამარხვის შემდეგ“ სამივე პიესა, პირველად,  ორიგინალიდან თარგმნა ვალერი ოთხოზორიამ.  

რა ფორმატით წარიმართა წლევანდელი ფესტივალი და ვინ იყვნენ მომხსენებლები?

ფესტივალი მე მიმყავდა, გარემო ოჯახური იყო, როგორც ჰარაკს შეჰფერის სწორედ ისეთი, დაიწყო ტრადიციული შესავლით, შემდეგ, რეჟისორ სანდრო კალანდაძის ცოცხალი ინტერვიუ შევთავაზეთ მსმენელს, რეჟისრომა  პაატა ციკოლიამ ვრცლად ისაუბრა მის გამოცდიელბაზე რეზას პიესებზე მუშაობისას და განსაკუთრებით იმ ასპექტებს შეეხო თუ როგორ გააცოცხლა პარიზი ფოთის ქუჩებში, სახეებში და სცენაზე. შემდეგ მთარგმნელმა ვალერი ოთხოზორიამ ვრცელი პრეზენტაცია მიუძღვნა იასმინა რეზას და და ჩეხოვს, მათ მსგავსებებსა და განსხვავებას დრამატურგიულ სახეებს და მიგნებებს. გვქონდა ფურშეტიც ვიოლინოს ფონზე, და ეს საკმაოდ მცირე ბიუჯეტით, მეგობრებისა და ენთუსიაზმის მხარდაჭერით. შეხვედრის გვირგვინი იყო სამი ცნობილი მსახიობის მიერ პიესის მხატვრული კითხვა. პიესა „არტი“  მსახიობებმა: გიორგი რაზმაძემ, ბექა ხაჩიძემ და თემო რეხვიაშვილმა წაიკითხეს. ეს იყო თეატრის დღესასწაული, ჩემი აზრით, თეატრი ყველაზე წამალზე უფრო მკურნალი წამალია, მაგრამ ეს ჩემი აზრია ....

როგორც ფესტივალის ავტორი გვიზიარებს, ფესტივალს ყოველწლიური სახე ექნება და ახალი ავტორები ითარგმნება, შემდეგ კი, პიესები ქართულ სცენაზე დაიდგმება, ეს მართლაც საუკეთესო სიახლეა ქართველი მაყურებლისთვის.