მეღვინეობა “ბადაგონის” დამფუძნებელმა, გიორგი სალაყაიამ, თავდაუზოგავი შრომისათვის და ერთგულებისათვის, მადლობის ნიშნად, კომპანიის ერთ-ერთ თანამშრომელს, რომელიც უკვე 17 წელია “ბადაგონის” დიდი ოჯახის წევრია, ახალი თაობის  Leapmotor-ის ელექტრომობილი  გადასცა. 

საჩუქარი მოულოდნელი და ემოციური აღმოჩნდა სოლომონ დალაქიშვილისთვის, რომელიც კომპანია „ბადაგონში“ უკვე 17 წელია მუშაობს  და  ერთგულად ემსახურება ამ საქმეს.

გიორგი სალაყაიას თქმით,  „ბადაგონი“ ამ პრეცედენტს მომავალში, ტრადიციად აქცევს.

მეღვინეობა - “ბადაგონმა” 2023 წლის შემაჯამებელი პრეზენტაცია გამართა, სადაც კომპანიის დამფუძნებელმა, გიორგი სალაყაიამ კომპანიის თანამშრომლებს მადლობა გადაუხადა თავდაუზოგავი შრომისათვის და დამდეგი  შობა- ახალი წელი მიულოცა.
შემაჯამებელ პრეზენტაციას ალავერდის ეპარქიის წინამძღვარი, მეუფე აბბა ალავერდელიც დაესწრო.