17 ოქტომბერი ვეტერანთა დღეა. თარიღთან დაკავშირებით, მთელი ქვეყნის მასშტაბით, სხვადასხვა ტიპის ღონისძიება იმართება.

თბილისში საზეიმო მიღება ექსპო-ჯორჯიაში გაიმართა, რომელსაც პრემიერ-მინისტრი, მთავრობის წევრები, დიპლომატიური კორპუსი და კერძო სექტორის წარმომადგენლები, ომისა და თავდაცვის ძალების ვეტერანები დაესწრნენ.

ამჟამად, ვეტერანების საქმეთა სახელმწიფო სამსახურის მონაცემთა ერთიან ბაზაში, ვეტერანის სტატუსის მატარებელი 70 000-მდე პირია რეგისტრირებული. მათ შორის ყველაზე მხცოვანი, გორის მკვიდრი, მეორე მსოფლიო ომის ვეტერანი, 104 წლის ლიდია ნემსაძეა.

ვეტერანთა დღე საქართველოში 2014 წლიდან აღინიშნება.