პენ­ტა­გო­ნის დო­კუ­მენ­ტე­ბის გა­ჟონ­ვა­ში ბრალ­დე­ბულ ჯეკ ტე­ი­შე­ი­რას 15 წელი მი­უ­სა­ჯეს. არ­მი­ის ეროვ­ნუ­ლი გვარ­დი­ის ყო­ფილ­მა ჯა­რის­კაც­მა გა­სულ წელს პენ­ტა­გო­ნის ის­ტო­რი­ა­ში ერთ-ერთი ყვე­ლა­ზე დიდი სა­ი­დუმ­ლო დო­კუ­მენ­ტი გა­ავ­რცე­ლა.

22 წლის ტე­ი­შე­ი­რამ მარ­ტში თავი დამ­ნა­შა­ვედ ცნო ეროვ­ნუ­ლი თავ­დაც­ვის ინ­ფორ­მა­ცი­ის შეგ­ნე­ბუ­ლად შე­ნახ­ვა­სა და გა­და­ცე­მა­ში.

მა­სა­ჩუ­სეტ­ში, სა­ჰა­ე­რო ეროვ­ნუ­ლი გვარ­დი­ის 102-ე სა­დაზ­ვერ­ვო ფრთა­ზე ყოფ­ნი­სას, ბიჭ­მა მო­ი­პო­ვა წვდო­მა სა­ი­დუმ­ლო მა­სა­ლა­ზე, მათ შო­რის რუ­კებ­ზე, სა­ტე­ლი­ტურ სუ­რა­თებ­სა და დაზ­ვერ­ვის შე­სა­ხებ აშშ-ს მო­კავ­ში­რე­ებ­ზე და დო­კუ­მენ­ტე­ბი ონ­ლა­ინ პლატ­ფორ­მა­ზე Discord-ზე გა­მო­აქ­ვეყ­ნა, რო­მე­ლიც ძი­რი­თა­დად პო­პუ­ლა­რუ­ლია ონ­ლა­ინ თა­მა­შე­ბის მოყ­ვა­რუ­ლებ­ში.

დო­კუ­მენ­ტებს შო­რის, რომ­ლე­ბიც მან და­ხუ­რუ­ლი ჯგუ­ფის წევ­რებს გა­უ­ზი­ა­რა, იყო კონ­ფი­დენ­ცი­ა­ლუ­რი ინ­ფორ­მა­ცია უკ­რა­ი­ნის ომის შე­სა­ხებ. ბი­ჭის ად­ვო­კა­ტე­ბი მის­თვის 11 წლით თა­ვი­სუფ­ლე­ბის აღ­კვე­თა ითხოვ­დნენ. სას­ჯე­ლის შემ­ცი­რე­ბის მო­თხოვ­ნი­სას, ისი­ნი ამ­ტკი­ცებ­დნენ, რომ თით­ქოს ბიჭს აბუ­ჩად იგ­დებ­დნენ სკო­ლა­ში სწავ­ლი­სას და მოგ­ვი­ა­ნე­ბით სამ­ხედ­რო სამ­სა­ხურ­ში.

პრო­კუ­რო­რე­ბი უფრო ხან­გრძლივ სას­ჯელს ითხოვ­დნენ, რად­გან მათი გან­ცხა­დე­ბით, ეს იყო ჯა­შუ­შო­ბის აქ­ტის ერთ-ერთი ყვე­ლა­ზე მნიშ­ვნე­ლო­ვა­ნი და სე­რი­ო­ზუ­ლი დარ­ღვე­ვა აშშ-ს ის­ტო­რი­ა­ში.

"ბრალ­დე­ბულ­მა ბო­დი­ში მო­ი­ხა­და და თქვა, რომ "ყვე­ლა პა­სუ­ხის­მგებ­ლო­ბა და შე­დე­გი მხო­ლოდ მის მხრებ­ზეა" - გა­ნა­ცხა­დეს ჟურ­ნა­ლის­ტებ­მა, რომ­ლე­ბიც ბოს­ტო­ნის სა­სა­მარ­თლო დარ­ბაზ­ში პრო­ცესს ეს­წრე­ბოდ­ნენ.

ტე­ი­შე­ი­რა მა­სა­ჩუ­სეტ­სის ეროვ­ნულ გვარ­დი­ა­ში 2019 წელს ჩა­ი­რი­ცხა. თა­ნამ­დე­ბო­ბი­დან გა­მომ­დი­ნა­რე, მას სა­ი­დუმ­ლო დო­კუ­მენ­ტებ­ზე წვდო­მის ნე­ბარ­თვა ჰქონ­და.

მის მო­სა­პო­ვებ­ლად, ტე­ი­შე­ი­რამ ხელი მო­ა­წე­რა "უვა­დო სა­ვალ­დე­ბუ­ლო ხელ­შეკ­რუ­ლე­ბას გამ­ჟღავ­ნე­ბის შე­სა­ხებ“, რო­მელ­შიც მან აღი­ა­რა, რომ „და­ცუ­ლი ინ­ფორ­მა­ცი­ის უნე­ბარ­თვო გამ­ჟღავ­ნე­ბას მოჰ­ყვე­ბო­და მისი სის­ხლის­სა­მარ­თლებ­რი­ვი დევ­ნა“, - ნათ­ქვა­მია სა­სა­მარ­თლო დო­კუ­მენ­ტებ­ში.

რო­გორ და რა­ტომ გა­ავ­რცე­ლა ტე­ი­ე­შე­ი­რამ სა­ი­დუმ­ლო ფა­ი­ლე­ბი?

ტე­ი­შე­ი­რა სო­ცი­ა­ლურ ქსელ "დის­კორ­დზე" პო­პუ­ლა­რო­ბით სარ­გებ­ლობ­და. მან შექ­მნა ჩათი, სა­დაც შეს­ვლა მხო­ლოდ მიწ­ვე­ვით იყო შე­საძ­ლე­ბე­ლი. ჩათ­რუ­მის, სა­ხე­ლად Thug Shaker Central-ის წევ­რე­ბი 30-მდე ახალ­გაზ­რდა მა­მა­კა­ცი იყო, სხვა­დას­ხვა ქვეყ­ნი­დან.

Washington Post-ი იტყო­ბი­ნე­ბა, რომ ჯგუ­ფის წევ­რე­ბი ერ­თმა­ნეთს სა­ხა­ლი­სო ფო­ტო­ებს უზი­ა­რებ­დნენ, შე­უ­რა­ცხმყო­ფელ და რა­სის­ტულ ხუმ­რო­ბებს ამ­ბობ­დნენ, უყუ­რებ­დნენ ფილ­მებს და ერ­თად ლო­ცუ­ლობ­დნენ.

ჯგუ­ფის ერთ-ერ­თმა წევ­რმა ტე­ი­შე­ი­რა ქა­რიზ­მა­ტულ და ია­რა­ღე­ბით გა­ტა­ცე­ბულ ახალ­გაზ­რდად და­ა­ხა­სი­ა­თა. ჯგუ­ფის წევრთა თქმით, ის მუდ­მი­ვად ცდი­ლობ­და, რომ და­ნარ­ჩე­ნებ­ზე შთა­ბეჭ­დი­ლე­ბა მო­ეხ­დი­ნა.

"ის იყო კაცი, მითი და ის იყო ლე­გენ­და. ყვე­ლა პა­ტივს სცემ­და", - აცხა­დებს პრე­სას­თან ერთ-ერთი ახალ­გაზ­რდა.

ტე­ი­შე­ი­რამ ჯგუ­ფის წევ­რებს უთხრა, რომ ისეთ და­წე­სე­ბუ­ლე­ბა­ში მუ­შა­ობ­და, სა­დაც ტე­ლე­ფო­ნე­ბი აკ­რძა­ლუ­ლი იყო. ის ონ­ლა­ინ სხვა­დას­ხვა სა­ხე­ლე­ბით სარ­გებ­ლობ­და და ჩატ­ში არა­ერ­თი სენ­სი­ტი­უ­რი ში­ნა­არ­სის ინ­ფორ­მა­ცია და­უ­წე­რია. ჩათ­რუ­მის ერთ-ერთი წევ­რი ამ­ბობს, რომ მან ფა­ი­ლე­ბის და ფო­ტო­ე­ბის გა­ზი­ა­რე­ბა მას შემ­დეგ და­ი­წყო, რაც ჩა­ტის ზო­გი­ერ­თი წევ­რის ყუ­რა­დღე­ბის ნაკ­ლე­ბო­ბა იგ­რძნო.

ერთხელ, გა­ღი­ზი­ა­ნე­ბულ­მა ჯეკ­მა ჩატ­ში მე­სი­ჯი გაგ­ზავ­ნა, სა­დაც ჩი­ო­და, რომ და­ნარ­ჩე­ნე­ბი Youtube-ის ვი­დე­ო­ე­ბით უფრო იყ­ვნენ და­ინ­ტე­რე­სე­ბუ­ლი, ვიდ­რე მისი პოს­ტე­ბით. "ის გაბ­რაზ­და და თქვა, რომ თუ ასე უინ­ტე­რე­სოდ მო­ვე­პყრო­ბო­დით მის მიერ ატ­ვირ­თულ ფა­ი­ლებს, მა­შინ სა­ერ­თოდ შე­წყვეტ­და გა­მოგ­ზავ­ნას",- გა­ნა­ცხა­და ერთ-ერ­თმა წევ­რმა.

ჩათ­რუ­მის ერთ-ერთ წევ­რს კი­დევ ერთი თე­ო­რია ჰქონ­და, თუ რა­ტომ გა­და­წყვი­ტა ტე­ი­შე­ი­რამ დო­კუ­მენ­ტე­ბის გა­ზი­ა­რე­ბა: "ეს ბიჭი ქრის­ტი­ა­ნია, ის ომის წი­ნა­აღ­მდე­გია და უბ­რა­ლოდ სურ­და, რომ თა­ვი­სი რამ­დე­ნი­მე მე­გობ­რის­თვის ეც­ნო­ბე­ბი­ნა, რა ხდე­ბო­და."

ფარ­თო­მას­შტა­ბი­ან­მა გა­ჟონ­ვამ პენ­ტა­გო­ნი აი­ძუ­ლა გა­და­ხე­დოს სა­ი­დუმ­ლო ინ­ფორ­მა­ცი­ის და­მუ­შა­ვე­ბის პრინ­ცი­პებს.