ფილადელფიაში (აშშ), ასწლოვანებმა, რომლებმაც ერთმანეთი მოხუცთა თავშესაფარში გაიცნეს, დაქორწინდნენ: 100 წლის ბერნი ლიტმანი დაქორწინდა 102 წლის მარჯორი ფიტერმანზე. ამის შესახებ Fox News იუწყება.
მედიის ცნობით, წყვილმა შეხვედრა ათი წლის წინ დაიწყო და სერიოზული გადაწყვეტილება ცოტა ხნის წინ მიიღო. ბერნი ლიტმანის შვილიშვილმა სარა შიჩერმანმა აღნიშნა, რომ მთელი ოჯახი ბედნიერი იყო მათი ნათესავის გამო, რომ კაცმა მოახერხა ისეთი ადამიანის პოვნა, რომელიც მისი საიმედო მხარდამჭერი გახდა.
რაბინმა ადამ უოლბერგმა, რომელმაც წყვილი დააქორწინა, აღნიშნა, რომ თავიდან, წყვილს არ სჯეროდა, რომ ოდესმე დაქორწინდებოდნენ, მაგრამ "საბოლოოდ მათ მიაღწიეს იმ დონეს, რომ არა მხოლოდ ახლო მეგობრები, არამედ ცოლ-ქმარი გახდნენ".
პატარძალიც და საქმროც წარსულში ოფიციალურ ქორწინებაში იყვნენ. ცერემონიას ორივე მხარის ნათესავების ოთხი თაობა ესწრებოდა.
ახალდაქორწინებულთა ოჯახებმა განცხადება შეიტანეს გინესის რეკორდების წიგნში: ისინი დარწმუნებულნი არიან, რომ ლიტმანი და ფიტერმანი ყველაზე ხანდაზმული წყვილი გახდნენ, ვინც ოფიციალურ ურთიერთობაშია ერთმანეთთან.