ოკუპირებული აფხაზეთის ოპოზიცია ე.წ. სამთავრობო შენობების კომპლექსისა და „პარლამენტის“ გარშემო ღობეების მონტაჟს ეწინააღმდეგება. საკითხი სახალხო კრების სესიაზე განიხილეს, თუმცა შესაბამისი დადგენილება ვერ მიიღეს - დოკუმენტს მხარი მხოლოდ 15-მა დეპუტატმა მისცა.

ოპოზიციური ვეტერანთა ორგანიზაცია „არუაას“ ლიდერი ტიმურ გულია მიიჩნევს, რომ დეფაქტო ხელისუფლება ღობეების გაყვანით ემზადება „ანტიხალხური კანონების“ მისაღებად.

„აშკარაა, რომ ხელისუფლება იცავს თავს ხალხისგან მაღალი ღობის მიღმა, რათა მიიღონ არაერთი გადაწყვეტილება, რომელიც არაფერ შუაშია ხალხისა და აფხაზეთის სახელმწიფოს ინტერესებთან. ," მან თქვა.

ტელეგრამ-არხების ცნობით, ოკუპირებული აფხაზეთის ბიუჯეტიდან ღობეების მონტაჟისთვის 10 მილიონი რუბლი გამოიყო.