ესპანური „ვალენსიას“ 22 წლის ქართველი მეკარე გიორგი მამარდაშვილი სავარაუდოდ ინგლისის პრემიერ ლიგაში გადავა.

მედია მეკარით დაინტერესებულ რამდენიმე კლუბს ასახელებს. მათ შორის არიან მანჩესტერ იუნაიტედი, ჩელსი, ტოტენჰემი და ლესტერი. მამარდაშვილის სატრანსფერო ღირებულებამ შესაძლოა 45 მილიონ ფუნტს მიაღწიოს.

მანამდე გავრცელდა ინფორმაცია, რომ მამარდაშვილმა შესაძლოა ესპანური კლუბი ზაფხულის სატრანსფერო ფანჯარაში დატოვოს, მიუხედავად იმისა, რომ მისი კონტრაქტი 2027 წლის ზაფხულამდეა გათვლილი.

მამარდაშვილმა მიმდინარე სეზონში ვალენსიაში 30 მატჩი ჩაატარა. მას აქვს ექვსი სუფთა კარები. ამავდროულად, ვალენსია ლა ლიგადან გამოვარდნის ზონაშია.