„სიმართლე გითხრათ, ჩვენ ვრეაგირებთ იმ რეალობაზე, რაც სახეზეა და ჯერჯერობით ვერ ვხედავთ საზღვრიდან ჯარების გაყვანის მსგავს ფაქტს. ახლა ეს მხოლოდ განცხადებებია. თუკი ჯარისკაცებს გაიყვანენ, ამას ყველა დაინახავს და არა მხოლოდ სამხედრო ან დაზვერვის სამსახურები,“ - განაცხადა ვოლდიმირ ზელენსკიმ დასავლეთ უკრაინის სამხედრო პოლიგონზე BBC-სთან საუბრისას. 

ზელენსკის თქმით, ის ფიქრობს, რომ „ყველა ნორმალური ადამიანი დეესკალაციის მოლოდინშია“.

„რაც შეეხება მუქარას, მე არაერთხელ მითქვამს, რომ ნებისმიერ მუქარას მშვიდად ვხვდებით, რადგან გვახსოვს, რომ ეს ყველაფერი გუშინ არ დაწყებულა, ეს უკვე მრავალი წელია ხდება“, - დასძინა უკრაინის პრეზიდენტმა.