პოლონელმა მესაზღვრეებმა დააკავეს ორგანიზებულ დანაშაულებრივი ჯგუფის წევრები, რომლებიც ახორციელებდნენ არალეგალურ მიგრაციას ბელარუსიდან პოლონეთში.

მედიის ცნობით, სულ 11 ადამიანი დააკავეს. დაკავებულები არიან - აზერბაიჯანის, საქართველოს, უკრაინისა და ბელორუსიის მოქალაქეები.

გამომძიებლებმა დაადგინეს, რომ მიგრანტები გადაჰყავდათ პოლონეთ-ბელარუსის სასაზღვრო ზონაში, რომელიც შემდეგ მათ ფეხით გადაკვეთეს (არალეგალურად - სასაზღვრო გამშვებ პუნქტებს გარეთ). შემდეგ ისინი პოლონეთის მხრიდან აიყვანეს და მანქანით გერმანიასა და დასავლეთ ევროპის სხვა ქვეყნებში გადაიყვანეს.

ამავე ინფორმაციით, საქმეზე გამოძიება მიმდინარეობს. ბრალდებულებს 12 წლამდე თავისუფლების აღკვეთა ემუქრებათ. რვა პირს აღკვეთის ღონისძიების სახით დროებითი პატიმრობა შეეფარდა.