მომღერალი, ნინი ბრეგვაძე ამერიკულ "ვოისს" გამოეთიშა. მას სამწუხაროდ ხმები არ ეყო ფინალში მოსახვედრად.

"მადლობა Voice-ს ამ შესანიშნავი გამოცდილებისთვის. მადლობა ნაილს საუკეთესო მწვრთნელობისთვის და მეგობრობისთვის. მადლობა ყველას სიყვარულისთვის. ჩემი კარიერა ახლა იწყება",-წერს ნინი სოციალურ ქსელში.

შეგახსენებთ, რომ ნინი ბრეგვაძე სასცენო სახელით ცნობილი, როგორც Nini Iris, ამერიკული The Voice-ის ნახევარფინალში ნამდვილი ფურორი მოახდინა.

ნინიმ სიმღერა „No Time To Die“ შთამბეჭდავად შეასრულა და ამ გამოსვლით კიდევ ერთხელ დაიმსახურა ჟიურის წევრების ემოციური შეფასება.

„მე შენი გულშემატკივარი ვარ“, – უთხრა ნინის მისმა მწვრთნელმა, ნაილ ჰორანმა და ამასთან, აღნიშნა, რომ Nini Iris-ის სახელი დიდხანს დარჩება ამერიკელი მსმენელის მეხსიერებაში.

ნახეთ მისი გამოსვლა ნახევარფინალში: