თურქეთში, მუღლის პროვინციაში ტურისტული ავტობუსი სკოლის მიკროავტობუსს შეეჯახა. ავარიას ერთი ადამიანის სიცოცხლე ემსხვერპლა, - ამის შესახებ ინფორმაციას apa.az ავრცელებს.

მედიის ცნობით, ტურისტების ავტობუსი შეჯახების შემდეგ ამობრუნდა, მძღოლი ადგილზე გარდაიცვალა.

არსებული ინფორმაციით, დაშავებულია სულ მცირე 49 ადამიანი. ყველა მათგანი საავადმყოფოში გადაიყვანეს.

დაშავებულებს შორის 41 უკრაინელი ტურისტი, 7 მოსწავლე და სკოლის მიკროავტობუსის მძღოლია.

ტურისტული ავტობუსი ბოდრუმიდან დენიზლის მიმართულებით მიემგზავრებოდა.